ഇനിയൊരു നിറകൺചിരി

ചിരിക്കിടയിൽ കരയാൻ, അതായത്, ചിരിച്ചുകൊണ്ട് കരയാൻ, നമുക്ക് പറ്റില്ല. പക്ഷെ കരഞ്ഞുകൊണ്ട് ചിരിക്കാം.
ഒരു നിറകൺചിരി.
പിഞ്ചുകുഞ്ഞ് ഉറക്കത്തിലും വെറുതെ ചിരിക്കുന്നു. പിന്നെ, അമ്മ തുടയിൽ അമർത്തിയൊരു തിരുമ്മു കൊടുത്തതിനാൽ കണ്ണു നിറച്ചു നിൽക്കുന്നതിനിടയിൽ ഒരു അണ്ണാറക്കണ്ണനെ കണ്ടാൽ ആ കണ്ണീരിലൂടെ ചിരിക്കുന്നു.
അത്രയുമേ എന്റെ ഈ ചിരിയിലുമുള്ളൂ.
അത്രയുമുണ്ട്.
- സി. രാധാകൃഷ്ണൻ